Novas e Circulares de WU SHU

Durante máis de cinco mil anos, o pobo chinés foi mestre indiscutible nas artes de loita, que suman máis dun millar de técnicas englobadas baixo o nome xenérico de "Wu Shu" ou arte marcial. O Wu Shu ensina o arte de combater usando mans e pés, así como paus, espadas, lanzas, dagas, etc. O seu obxectivo vai actualmente máis alá da pericia a pelexa, e busca a perfecta harmonización entre tódolos compoñentes de ser humano: corpo, mente, espírito...

¿RAMAS DO WU-SHU?

O arte marcial chinés Wu Shu comprende distintas divisións. Así témo-la máis famosa división que separa os estilos en "externos" ou duros, baseados na forza muscular, poténciaa física e a destreza, e os "internos" ou brancos, baseados na concentración, a flexibilidade e a suavidad... Outra división separa os estilos de Wu Shu en estilos do Norte e estilos do sur, sendo a fronteira natural que aparta estas dúas escolas o Río Yang-Tzé. Os estilos de Norte enfocan os seus métodos a traballo moi vigoroso, estilizado, áxil e espectacular, con moitos saltos, patadas altas e varridos, mentres os do sur son quizais máis fortes fisicamente, peros as súas técnicas, polo xeral, son máis pechadas e favorecen o emprego das mans antes que dos pés. Finalmente, en función dos tipos de traballo, distinguiremos: - Exercicios a man baleira - Exercicios con armas - Exercicios de terapias externas - Exercicios de terapias internas.

¿PARA QUÉN?

Como se deduce destas clasificacións, o termo Wu Shu engloba sistemas de traballo que ten infindas posibilidades de adaptación a un sinfín de tipoloxías e obxectivos de cada persoa. Desde os exercicios máis vigorosos, de gran aceptación entre nenos mozos, até exercicios suaves, relaxantes e con propiedades preventivas e curativas, que poden aportar grandes beneficios á poboación de máis idade. Destacaremos neste apartado, a confirmación científica por parte de prestixiosos equipos de investigación europeos e americanos (a maiores dos chineses), dos beneficios de dúas disciplinas do Wu Shu que están alcanzando grande popularidade nos últimos anos. Estas son o Tai Chi e o Chi Kung (Taijiquan e Quigong). - Como deporte Olímpico nos Xogos Asiáticos e candidato ás Olimpiadas. Como deporte o Wu Shu está plenamente consolidado e estructurado, se celebrando cada ano os Campionatos Nacional e Rexional, cada dous anos os Campionatos do Mundo e Europeo e cada catro anos os Xogos Olímpicos Asiáticos, nos que esta actividade física goza dun recoñecido prestixio. Nos Xogos Olímpicos Internacionais estaba previsto que fose Deporte de Demostración se Pekín resultase elixida sé olímpica, pero ó non ser así, estase negociando novamente con grandes posibilidades.

MÁIS QUE UNHA ARTE MARCIAL

En Galicia esta actividade deportiva atópase rexistrada na Federación Galega de Judo como disciplina asociada e conta na actualidade con preto de 1.000 practicantes federados que se inician en ximnasios ou colexios aos que s elle esixe se federar como garantía da autenticidade do deporte que practican e da ensinanza que reciben dos seus profesores titulados pola Federación Nacional, pois non falta quen se aproveite da fama que alcanzou o Wu-Shu, que é o nome oficial e xenérico das Artes Marciales chinesas, para ensina-los seus propios inventos, co grave perjuicio que ó final sufrirán principalmente os seus alumnos, pois este deporte podemos dicir case con toda seguridade será olímpico en Pekín 2008, e estes alumnos que non seguen o programa initernacional nin a titulación oficial, veranse ó marxe dos acontecementos nacionais e internacionais.

O practicar baixo a dirección do departamento de Wu-Shu da Federación Galega de Judo é unha garantía para a saúde, para unha real progresión técnica apoiada polo Consello Superior de Deportes e para a promoción nacional e internacional do deportista.

O Wu-Shu está baseado en movementos de defensa e ataque con dúas modalidades: FORMAS e COMBATE, Tae Lu e Sandá en Chinés, que permiten realizar unha práctica, tanto interior ou mental como exterior ou física. A nivel interior trátase dunha combinación de espírito e corpo, de modo que o precticante move no exterior o que sente no interior, mellorando tanto a preparación física e técnica como a psicolóxica, combinando o deporte da defensa persoal para mellora-la súa saúde e elimina-lo estrés.

RESULTADOS DEPORTIVOS

Galicia é a primeira no ámbito nacional alcanzando nos catro últimos Campionatos de España o 40% das medallas, destacando especialmente os deportistas Ourensanos do ximnasio Dinámic, que adestrados por Xosé Gago, Director Técnico Galego e Director do Dto. Nacional de Wu-Shu alcanzaron máis de dez medallas nos últimos nacionale, participando coa Selección Española nos correspondentes Campionatos Europeos e Mundiales. Tamén lograron medallas nacionais deportistas de A Coruña, Riveira, Vigo e Arcade (Pontevedra); nesta localidade destaca Paulo Ortega, que gañou a medalla de bronce na modalidade de combate, no Campionato do Mundo de 1998 en Italia.